مواقف مضحكه لصغارنا

[الحنونه]

السلام عليكم ورحمة الله



لايكاد يخلوا بيت من اطفال

http://islamroses.com/zeenah_images/47d0334539.gif


ولايخلوا بيت من مواقف مضحكة وحقيقية لاطفالنا


شاركينا بموقف من ابنك او ابنتك

او اختك او اخيك

[الحنونه]

كتبت الموضوع ولا كتبت موقف مضحك معليش

المواقف كثيره جدا خاصه من ابني الثاني مواقفه المضحكه كثيره جدا

يحضرني منها

اولادي محمد وعبدالله في مدرسه وحده محمد في ثاني وعبدالله في اول ابتدائي

مدرس محمد الله يجزاه خيرحب يغير على فصله روتين الدراسه فقال لهم ان يوم الاربعاء في اخر الدوام

سنقيم حفله مصغره في الفصل من مجهودكم محمد جانا فرحان ومبسوط واقام الدنيا واقعدها

عبدالله زعل وعصب قال (( شوفي يمه بكره انا مستحيل ادرس انا ابغيب وابروح مع محمد واحضر حفلته

وصار يسال محمد عادي ما قال استاذكم جيبو اخوانكم الي في البيت ))

ههههه واذكر ان ابوه اخبر استاذه وضحك وقال ولا يهمكم اخليه يحضر لو جزء من الحفل

واذكر ان كنا رايحين لمشوار بعد الغداء مباشره ومرينا على تموينات قال ابوي انا جايع بالمره

على طول قلنا هذا لانك ماتغديت صح قال لا والله انا متغدي بس ماافطرت

ههههه شاف التموينات ولو قال ابي منها شي ولاقال جايع كان اصرف لانا مالنا نصف ساعه بعد الغدا

[ام ريان]

فكرة حلوة مرة

الموقف اللي باقوله لطفل صغير اسم امه فاطمة

المهم كان ابوه مجمع اصحابه عنده بالبيت

ونبه ولده انه اذاسألوه الرجال شسم امك مايعلمهم

قال الاب=ترى ولدي اذكى من اولادكم

حتى لوسألتوه عن اسم امه شوفو وش بيقول لكم المهم سألوه=قال خالتي فاطمة

ماتو الرجال ضحك والاب احسن تفشل:)

[لــــمــــى]

هههههههههههههههههههه من جد الأطفال بركة بالبيت
مرة كنا مسوين عشاء ببيتنا وزوجة عمي مواعدة عيالها اذا راحو الناس قبل الساعه 1 ينامون عندنا المهم جت الساعة 12 ونص بعد ماتعشو ومالهم نية يطلعون من عندنا
دخلت بنت عمي وكان عمرها 5 سنوات حاطة يدينها على خصرها وتقول (الحمد لله رب العالمين قهوة وتقهويتوا شاهي وشربتوا حلى وحليتوا فطاير واكلتوا لاااااااااااااااااااا وعشاء وتعشيتوا بعد وش تبون باقي نمد لكم فرش عشان تنامون؟؟؟؟؟؟؟؟؟؟؟؟؟؟؟؟) هم استحوا وامها طاااااااااااح وجهها وفي الاخير عاقبتها امها على طولة لسانها وخلت اخوانها ينامون عندنا وخذتها معها لبيتهم


ان شاء الله مروري يكون خفيف عليك ياعسوله:d :d

[ام ريان]

ياحبي لها البنوتة

لوأناأمهاماعاقبتها

لاني أنااللي شوقتهالروحتهم بدري

نغلط ونعاقب الصغار

بعدين قاهرتني هالام تدري ان البنية ماسوت كذا الاعشان تنام عندكم وتعاقبهاالحمدلله ميب أمي;)

[ســـامية]

أذكــر مـوقف لأخــوي الصغـير عمـرهـ 6 سنـوآت في أولى ,,
..
المــوووهـيمـ ....

قبــل فتــرهـ ما أذكـر متـى ,,, كـآنت الحــرب في غـزهـ " اللهـ ينصـرهمـ"
وكـنآ جـآلسين نتعشـى كانت الأخبـآر موجودهـ على قناة المجد وجـآبوآ صور الشهـدآء"صـرآحهـ يدمـي القـلب"
قال المذيع أنهـ بلغ عدد القتـلى.... جــلس أخوي يقـول يبـهـ إذآ رحت لفلسطــين
وقآتلت معـهمـ ومــت كمـ يصــير عددهـمـ << أنآ وأمــي مــتنآ ضحـكـ عليهـ ..
..
هذآ بس همـهـ

وســــ...ـــلآمتــكمـ ...

[الحنونه]

هههههههههههههه

يحليل الصغار

ويحليلكم ويازين مرووووووووووووركم

[احبك يمه]

يا كثر موااقف عيالي بس للاسف عجزت اذكرهن يوم بغيتهن
على العموم اذاا ذكرت اقول لكم ...................
ومشكوره على العموم يالحنونه على الموضوع

[الحنونه]

يعني مقابلينك طول اليوم ماتذكرين شي

والبقيه وينهم معقولع ماعندكم مواقف وهه بس

هذا الي يقهرني فيكم يالمناريات مااصدق احط موضووووووع بس محد يعطينا وجه هع هع هع

[ام ريان]

ولا تزعلين يالحنونة خليهم يولون

هذاموقف تاني:D

مرة من المراري

وأناالبزر طبعا:D

كنت أحب و لازلت أعشق اسم حنان

المهم حلقت وبعمق وتخيلت إن عندي أخت إسمهاحنان

وسويت مسلسل في مخيلتي طبعا

=كانت حنان تحبني وتلبي طلباتي وتدلعني ‘~آخردلع

وكانت مثالية وعندها أسلوب رائع مع الاطفال كلهم وكانت تعلمني

طبعا أخلق مواقف وهي تصححها

وأحيانا إذاأخطأت تزعل مني

وأشيل هم كبير طبعا في الحقيقة

ويؤثرعلى حياتي

والكل يلاحظني طفشانة

غبيةكان خليت الخيال كله حلو

بس مقرودة

متعودة عالقلق

حتى فالخيال

المشكلة==كنت أكلم صديقاتي وش صار لاختي حنان ووش قالت ووش سوت

كل اللي تخيلته لكن ماأقول لهم خيال

بعدين يوم طفشت من ذا الخيال تخيلت حنان ماتت

وقلت لهم حنان ماتت

وبكيت بجد وتألمت لاني فعلا حطيتها ماتت

وبعدين صدقت الخيال

وكل سنة أقول لصديقاتي كان عندي من زمان أخت اسمها حنان

لكنهاماتت

ومازلت أصر إن كان عندي أخت اسمهاحنان وماتت

صارت حنان في عقلي الباطن وانبنى عليها أحلام ومثاليات

طبعاهذاسببه إني انحرمت من أختي سنين وسنين

واحناكان بإمكاننانعيش زي باقي الخوات مع بعض

اللهلايحرمكم من غالي

مرارة الحرمان قاسية:confused:

[الحنونه]

يالله يام ريان بكيتيني ماضحكتيني

الله يسعد ايامك

[موجة هادئه]

ياطفل لا تكبر ..


كذا أجمل كذا أطهر..


كذا لاهم يتراكم..



كذا لا ضغط لا سكر..




لي عودهـ
ان شاء الله
بموقف لخييو الصغيرون

[الحنونه]

انتظر عودتك موجه هادئه

وموقف خيك

[الحنونه]

هذا انتو يامناريات تدخلون بدون ردود

طيب انا عندي موقف لواحد من البزوره

هذا الله يسلمكم خالد فيصل طالعين في الشارع

شاف خالد قرطاسة البسكوت في الشارع قال من اكلهاا

قال فيصل انا اكلتهاا وش عندك بتفتح بطني تاخذ البسكوت

جرب بس يحليلك هي الحين لو فتحت بطني مراح تلاقي

البسكوت لانه راح لقلبي هههههههههههههه

لانه اصلا يكذب ما اكله وخاف يفتح بطنه وما يلاقي شي هههههههههههه

علىا فكره الحوار دار بين الطفلين وانا سمعتهم بس هم مو اولادي

[من قدي بنت ولدجدي!!!]

راااااااائع
طفل كان ابوه عنده ضيووووووف
طبعا على العشاء قرب الاب العشاء وقال لولده حبيبي لاتدخل 00تعرفون حوسة الاولاد
وتفشيلاتهم الله يصلحهم 00
وقاله اذا خلصو الرجال العشاء بتتعشى انت والوالده طبعا سمع الطفل كلام ابوه وذلف
المصيبه انه كااان جوعان والرجال اعجبهم الاكل وطولوا
طبعا الولد ماستحمل وش تتوقعون سوى؟؟؟؟؟
اكمل والاخلااااااص؟؟؟




خلني اكمل احسن
طبعا رااااااااح يركض ويفتح
المجلس على الرجااال ويقول
بسرعه خلصوا ترى انا وامي بنتعشى بعدكم ولاتخلصون الاكل؟؟؟!!!
عقبها تعالوا شوفوا وجه ابوووه تمنى الارض تنشق وتبلعه
وش رايكم بدون مجاملات

[ام ريان]

انننننه

يزننون ياناس


اممممح


له

عادي يازين البرااااءه

حبي لهم يانوووسه

يزننون يزننون:p

[الحنونه]

هههههههههههههه

والله الاطفال نكبه

ذكرتيني بوحده من قريباتي تقول معزومه عند جارتها

وقدمت لها عصير طبعا اهي كاس وصاحبة البيت كاس

تقول وولدها الصغير عند الباب كل مارفعت امه الكاس تبغى تشرب قال يمه خلاص لاتخلصينه انتبهي

والام ساكته ولا كنها تسمه

ههههههههههههههههههههههه

[احبك يمه]

على ذكر الاطفاال والضيوف
حده حااطه اشكال وانواع من الضيافه في غرفه جنب المجلس تبغى تدخل الضيوف عليهاا...راح ولدهااااااااا وخذ تراب من الشارع وكب على كل صحن شوي لين امتلى كلش ترااب ............طبعاا الام مشغوله مع ضيوفهااا ولا انتبهت ...
الام ..ادخلو ا الله يحيكم على قلة الكلافه .ولماا دخلو وقعدو لين الدعوى ترااب .طبعاا طااح وجه الام وتعذرت من الضيووووووووف .ورااح تعبهااااااا تراااااااااااااااااااااااااااب في ترااااااااااااااااااااااااب
الله يصلح البزرااان ويهديهم بعض الاحياااااااااااااااااااااااااااااااان يفشلووووووووووووووووون

وموقف ثاااني
عن العيال مع الضيوف برضو الام مصلحه بيتزاا واصناف معه الام انشغلت ودخلت البنت المجلس وشاااقهااااااااا شكل الزيتون الاسود في البيتزااااااا
وقاامت وكلت كل الزيتون الي على البيتزاااا .ولماا دخلت الام الضيوف اكتشفت ان الدنيااا محيوسه والزيتونااات
من البيتزااااا منقوووووووووووووووووووووشه
طااح وجههههههههههههههههههههههههها واعتذرت واكيد يعرفون ان ماا سوى كذاااا الا بز ر الله يصلحهم ويهديهم

وعشااانك يااااالحنونه اقوووووووووووووول موقف ثاااااااااااااااااالث
مره ولدين قااعدين مع بعض شااف واااحد غلاف بسكوت في الغرفه .قااااااال من ذا الي مااا كل بسكوت
طبعاااا ماا يخفى عليكم البزرااان بعض الاحياااااااان كنهم مااا ذاا قواااااااا عيشه الله يصلحهم
قاال الثاااااااني وهو ضاايق اناااا بعد وش عندك بعد اذبح بطني دوره يحليلك معاااااادك لاقيه في بطني بتلقااه رااااح لقلبي
يحليله يحسب الاكل يرووح من المعده للقلب









ز

[الحنونه]

هههههههههههههههه

حلوووووه احبك يمه

بس مو كن موقفك الثالث مذكور من قبل اكيد بينكم قرابه هههههههه

[الحنونه]

كل طفل من اطفالي له طبع في نومه فابني الكبير ماكان ينوم الا ومعه شرشف وابني الثاني ماينوم الا ومعه بطانيه

وكان يسميهاا انخي اسم غريب صح اما ابني الثالث ما ينوم الا ومعه مندييييييييييييل ويشترط يكون ناعم هههههه

يمص اصابعه السبابه او الشاهد والاوسط ويمسك المنديل بباقي الاصابع ويمص ويقطع في المنديل وتعالي شوفي

بيتي كيف يكون ههههههههه الله يصلحهم يارب وابشركم ترك المنديل بس باقي الاصاااااااابع مدري وشلون اخليه يتركهااااااااااااااااااااااااااااا :confused:

[احبك يمه]

يالحنونه تبغيناا نضحك ويبلاناا الله اللهم عافناااااا مص الاصبع وبعد يمسك منديل شي

[دلع]

يا عمممممممممري الله يرجعك لأختك يارب
والصراااحه انا برضوو اعشق اسم حناااااان يدنن الاسم
الله يرحم اختك حنان ويدخلها فسيح جناته <<<<خخخخخخ مصدقه:d

[ام ريان]

مشكورة دلع لتفاعلك


فهمت <<اللي على راسه بطحا يحسس عليها;)

[غاية الهدوء]

يسلمووووووو ع الفكره ... ويعطيك الف عافيه ... مايحظرني شي ..

[ام ريان]

مشكلة مص الاصبع


ممكن تبحثي عن حلها


اذا ودك بالطرق العلمية


في أحد كتب علم نفس النمو


واذاغيره فاتبعي الاتي:

حطي على اصبعه(دوا بالصيدليةطعمه مرزي شكل المناكيرلونه شفاف)


هذي الطريقةسويتها لطفلتي ونفعت


بعدين حركات عيالك تدل على انهم فاقدين حنان


زيدي جرعات الحنان


مثلا احكي لهم قصة قبل النوم

لاتبدي أهلك عليهم

لاتجاملي أحدوتجرحيهم للمجاملة

سولفي معهم كثير كثير

شكل عيالك مشاغبين صح يهمني اعرف وانت مدللتهم مررة وتلبي اكثر طلباتهم

وممكن يضربوك لو عصبوا

جاوبي


سراليف قبل النوم مهمة جدا للقرب من نفسياتهم


والله رح تحسي انك اختهم مو امهم وهم بعد بيحسوا فيك


بس حني عليهم بدون ما تكسري كل الحواجز


الله يوفقك:)

[الحنونه]

مشكوره ام ريان

والله الحنان ما اقصر عليهم اسولف واحكي والاعب وو يس الله يصلحهم

اما عن انهم مشاغبين لا مو مشاغبين واذا غضبو مو دايم بس احيانا يلجاو لضربي

وتاخرت في الرد بس كنت مسافره

[ام ريان]

انتبهي الام دايم تشوف عيالها هاديين

بس كيف نظرة الناس لهم

المهم لايمدون يدهم عليك أبدا

اللي يسوي كذا لاتكلمينه لين مايحس بخطأه

ويعتذر<<مع اي خطأ هجرهم احسن حل

الله يحفظهم لك بعد انتبهي من الحنان الزايد اللي

يوصل حد الدلع والتشرط:)

[الحنونه]

اشكرك ام ريان على الاهتماااااااااااااااااااااااااام

والله يصلح اولادنا ويهديهم والمسلمين

واعنا على تربيتهم يارب

[الحنونه]

عندي طفل بيكمل الرابعه بس ماتكلم الا كلمات بس والكلمات اكثرهااا بيعكسهااا وبيحولها لشي ثاني

مثلا لما يبغى لبن يقول بلن

والمطبخ توقعو ايش بيسميه بخبخ

ولما يبغى يقول ما ابغى الشي الفلاني بيقووووووووول ما اغباهم
حتى مره اقول يالله حبيبي البس عشان نروح لاولاد خالتك صار يقول اولاد خالتي ما اغباهم هههه

كثير من الكلمات بس ما تحضرني الله يصلحه يارب ويرزقنا بره

طيب مين منكم تقدر ترجم الكلمات التاليه

خالى ارص
ارس
محمه
قال

ههههههههههههههههههه

[{ نـ سْ ــنآس ~]

ههههههه
الله يحفظ لك ولدكـ ويرزقك بره
صراحه ماعرفت اترجم
[محمه] يمكن محمد

انا اختي يوم كانت صغيره

تسمي فاطمه[شامطه]هههه
وشغالتنا محموده[دوده]خخخ
وكلمة طربوش[طرشوب]

[الحنونه]

ههههههههههههه يهبلون الصغار

الله يبارك فيك
ومحمه لحمه خخخخخخخخخخ

[الحنونه]

كانوا مجموعه من الصغار مجتمعين من بينهم ابني الله يحفظه

سالتهم اختي اذا كبرتوا وش تبون تصيرون ؟؟

واحد قال طيار والثاني معلم والثالث طبيب والرابع مدري وش تمنى

وجا الدور على ابني النجيب قال ابي اصير فاااااااااااااااااضي ههههه يعني يتسدح ويتبطح بس :57:

قال واحد من الي تمنى قبله ياربيه ماشاء الله عليك فاضي ياليتني قلت فاضي بعد انا !!!!!!!!!!!:58:

[حدائق وزهور]

هههههههههههههه...
مشكوره الحنونه على الموضوع...
لي عوده آن شآء الله ....
موقفه لآختي قبل شوي صاير :57: عمرها 3 سنوات:D >>الله يحفظها لنا:in_love:
جابت عبايتها تقول لبسيني ابونا جاء...التفت لها قلت من ابوكم؟! قالت اللي عندي الباب طبعآ لبستها عبايتها وراحت وجت قلت وين ابوكم؟! قالت خلآص راح...
>>طبعآ تقلد بس على فكره ترانا مانقول ابونا مدري من وين جابتها !!:D
لي عوده للمواقف >>بتجمع وتجي :36:

[ام مييموو]

ياحلو موضوعكم وسع صدري جزاكم الله خير

[الحنونه]

حدائق وزهور ابوكم جااااااااااا هههههههه

حلوه ابونا الله يخليها يارب لكم ويصلحها

ام ميمو مشكوره حبيبتي بس ماقلتي لنا موقف لميمو توسعين صدورنا

الله يبارك فيكم ويسعدكم يارب

[{ نـ سْ ــنآس ~]

هذا الموقف صاير لي يوم كنت صغيره
كنا مسافرين ومعنا رجل عمتي وعياله وكان وقتها عمري تقريبا8 سنوات او7
المهم وحنا بالطريق قلت لأبوي الله يغفر له ابغى - وْز -:94: قال رجل عمتي وشو الـ وْز قلت هذاك اللي ناكله
قال كل شي ناكله قلت - طبعا وانا متنرفزه وجوعااانه وحالتي حاله :( -لااااا وْز هذاك اللي كل الناس ياكلونه
قال وزه << يقصد بطه - وجاب كلللللل انواع الاكل اللي كل يوم ناكله على قولتي -
قلت شوفوا حنا ناكله مع الغدا ويحاولون ويحاولون وانا ابيهم يعرفون يوم عصبت
وطااال صوووتي :mad: قلت ابي وووووز بخااااااوي << رز بخاري :50:

وماتسمعون الا الضحك
وجلست طول الطريق ما أكلم أحد ودميعاتي بعييناتي :tears:
بس اهم شي انهم لبو طلبي وجابوا لي وز:D

والى الآن ورجل عمتي يقول لعمتي هااه وش اخبار وز :p

وسلامتكم

[الحنونه]

وز خخخخخخخخخخخ

يحبي لك ياقلبي

اشكر لك مروورك الحلو زي موقفك الحلو

[حدائق وزهور]

ههههههههههههههههه >>دوم هالضحك...
آآمين ...
وز ههههههههههههه انا جلست اقلبها في راسي :116: ...أقول وش وز :94: ...
آآمين...بالعافيه :107: ...

[الحنونه]

كنت يوم من الايام تعبانه شوي نومت ولدي الصغير ونمت جنبه ودخل الحلوين للمطبخ واخذوا مشروب على مااظن مشروب غازي واتفقوا يتقاسموه بينهم واحضروا الاكواب وسكبوه فيها وراح المشروب كله فوق الطاوله فخافوا واخذوا المنشفه من الدرج وصاروا يمسحون الطاوله بدون ماء طبعا فتذكروا ان مساعدة الام يكسبون بها الاجر فقرروا مسح المطبخ كله بنفس المنشفه المشبعه بالمشروب طبعا فلما دخلت المطبخ نشبت رجلي ماقدرت اتحرك قالوا يمه شوفينا نبي نساعدك مسحنا المطبخ :confused: لا ماشاء الله احسد بكم :icon1366: :icon1366:

[الهدهد علمني]

مره كان ولد اختي واقف عند باب بيتهم (كان عمره 5سنين)

اسئله واحد تبون دوا صراصير ؟؟
رد عليه بسرعه لالا

وجاني ولد إختي يضحك حنا بنذبح الصراصير وهو يبي يعطيها دوا....خخخخخخخخخ

[الهدهد علمني]

مره قلت لبنت اختي (عمرها 3سنين واسمها مها)

قلت لها (من باب الاستعباط )تدرين إسمي مها ؟؟

قالت لي ونا اسمي كريمه (إسم خدامتهم)

[الحنونه]

مشكوره لك اختي الهدهد علمني مروورك

يحبي لك وبنت اختك:sendpmonline:

[الحنونه]

كان يا ما كان كان فيه طفل
تقول امه لي انها كانت توجعها رقبتها
وكانت تتالم منها شافها ولدها ورحمها
وصار يدعو ويقول ياربي تنقطع رقبت امي وترتاح من الالم
خخخخخخ ماشاء الله عليه مسوي ذكي :50:

[موجة هادئه]

نسنوس
مت ضحــك عليك اجل تقولين للرز وز خخخخخخخخخ خطيره
,
انا كنت اسمع ببرمجة الاطفال وانها ايجابيه وحلو نعود اطفالنا عليها
وصرت اقول لاخوي الصغير انت دكتوووور والدكتور انووس ووو
وهو ساكت ويسمع بخجل ،
ويجي ذاك اليوم اللي يقولي فيه بضيقه لما ناديته دكتور انس:
انا اوب دكتور انا انس
قلت: الا انت اذا كبرت بتصير دكتور وتعالج التعبان وتعطيه دوا
قال:بس انا الحين صغيرر
http://www.mnaroha.com/vb/images/icons/icon10.gifhttp://www.mnaroha.com/vb/images/icons/icon10.gifhttp://www.mnaroha.com/vb/images/icons/icon10.gifhttp://www.mnaroha.com/vb/images/icons/icon10.gifhttp://www.mnaroha.com/vb/images/icons/icon10.gif
طيح وجهي خخخخخخخخخ
ياحبي له اخوي يبي يعيش سنـه

[بنوته كول]

مافي أحلى من الأطفال بلعبهم وبرائتهم وشقاوتهم

واليكم بعضا مما قرأته من طرائف الأطفال الحقيقية

=====================
احدى الأمهات اعتادت أنها ترى ابنها الصغير يطارد الدجاجات،ويدخلها الى

القفص، ويحرص على ابقاء الديك في الخارج،وعندما سألته عن السبب قال:

( ذولا حريم مايطلعن من البيت ويشفن الرجال )

======================
طفلة صغيرة وجدت أباها يلبس ثيابه الجديدة ذاهبا لصلاة الجمعة، فذهبت

الى أمها راكضة وهي تقول: (ماما ماما أبوي رايح يتزوج)

======================
دق جرس الهاتف ، فردت عليه طفلة،فسـألتها المرأة المتصلة:

أين الوالدة؟ فقالت الطفلة ببراءة: ماعندنا أحد والد اليوم!!!

======================

كانت المعلمة(صدى) تشرح لطالبات الصف الثالث الابتدائي عن وسائل الاتصال

الحديثة،مثل الهاتف والبريد الجوي والفاكس،فرفعت احدى الطالبات الصغيرات

يدهاوقالت:أستاذة احنا عندنا فاكس في البيت.

فشجعتها المدرسة على اكمال حديثها وقالت:وكيف تستخدمونه؟

فقالت الطفلة:نتدهن به.

<=====البنت تقصد فكس


=======================

في أحد المساجد ،وعندما سجد الناس قام أحد الأطفال بجمع ((العقل))من على

رؤوس المصلين، ثم وضعها على الباب،وهرب..

بعد الصلاة تعالت أصوات الرجال:خذ عقالك ،هذا عقالي..لا هذا عقالي أنا

<===فعلا شقاوة

=======================

احدى الصغيرات كلما أرادت أن تقرأ القرآن فانها تنسى الاستعاذة،

وفي كل مرة تذكرها أمها.

وذات يوم كانت البنت تستعد لحفظ القرآن الكريم فسمعت صوت الهاتف،

فرفعت السماعة وقالت بسرعة:أعوذ بالله من الشيطان الرجيم.

=======================

رأى طفل صرصارا فهب مسرعا لقتله بالحذاء((أكرمكم الله))،فأمرته أمه

أن يسمي قبل أن يضربه،فاستجاب لها قائلا للصرصور عند كل ضربة:

اسم الله عليك.

<====خايف عليه

=======================
أحد الأطفال كان مشاغبا بدرجة كبيرة ،وذات يوم كثر ازعاجه فقامت أمه

بحبسه في مخزن البيت،وبعد أن طال حبسه أخذ يردد نشيدا بصوت حزين في

الظلام:يا اله العالمينا....فرج كروب المسلمينا

فحزنت أمه وأخرجته.

=======================
طفلتان تتحدثان عن آمالهما في المستقبل فقالت الكبرى:

أنا أحب أصير كبيرة مثل أمي عشان ألبس الفساتين وأروح الأفراح.

فقالت الصغرى:أنا أحب أصير مثل أبوي عشان ما أخليك تطلعين للعرس


=======================

طفلة طموحة جدا ،كانت تستمع في الاذاعة الى برنامج ناشئ في رحاب القرآن،

فأعجبها،وبعد انتهائه ،أغلقت عليها باب غرفتها،وأخذت تسجل حوارا مع نفسها

على شريط:ما اسمك؟اسمي..

كم تحفظين من كتاب الله عز وجل؟

أحفظ خمسة وثلاثين جزءا والحمد لله تعالى <====طموحة جدااا

--------------------------------------------------------------------------------

يارب يكونوا عجبوكن ماصارت مشاركة هذا موضوع هههه:smilie (58):
مشكورة على الموضوع

[الحنونه]

موجه هادئه

بنوته

اسعدني مروركم

زادكم الله بهجة واشراقا :smilie (81):

[بنت منارها]

اشكرك اخيتوا الحنونه ع الموضووووع


ماعندي مواقف:(



ان شااااء الله ان تذكرت شيء بقوووول:smilie (86):

[الحنونه]

ننتظرك بنت منارها

بارك الله فيك

[وقآر~]

هلا يالحنونة
بالبداية أشكرك على هالموضوع الرآئع


هذآ اخوي الصغير عمره أربع سنوآت و نص
دخل للبقآلة في يوم من الأيآم
و قآل للهندي حق البقآلة
عطني عصير دجاج :smilie (32):
طبعآ الهندي فوق رآسه أكبر علآمة استفهآم !!2
و قآل له مآ فيه عصير دجاج :smilie (65):
و اخوي مصررررررر ل1
المهم و يمسكه و يقول روح جيب العصير :smilie (36):
هههههههه
و بالأخير طلع بعصير مآنجو :smilie (126):


و اخوي الثآني كان بالمسجد
و اهو بصف رابع تقريبآ :smilie (101):
و بعد الصلآة اخوي عطس :smilie (78):
فالتفت عليه الرجآل الي بجنبه و قآل له قُل الحمد لله
فأخوي ما سمعه و قآل هآآآآآآآآآه :smilie (116):
قال له الرجال هدآك الله يا بني
المهم و قال اخوي الحمد لله
و شمته الرجآل

و يوم رجع للبيت
على طوووووووول قال لي وقآر لقيت رجآل في المسجد غرييييييييب :smilie (100):
شكله كان عايش مع الرسول :shutup:
انآ تسدحت من الضحك و جلست أعلمه ان الرسول ميت من قبل 1400 سنة
و مستحييييييييل ان فيه أحد يعيش كل هالعمر :seko:
و بعدها سألته ليش
و قال لي ان الرجآل يتكلم بالعربي
و قص لي السآلفة و اهو مستغررررررررب :smilie (126):

[الحنونه]

منجا دجاج خخخخخخخ :seko:

ياحبي للصغار وأفكارهم س2

وأخوك الثاني توووووووووحفه :smilie (126):

هذا من تقصيرنا ومدارسنا مانكلمهم فصحى أبد

هههههههههههههه

ذكرتيني بإبني يوم درس بالروضه كان يقول معن واحد إنجليزي

إستغربت وقلت إيش يقول قال ما أفهم له قلت إيش إسمه قال أحمد

قلت يقول إزيكم وإديني وتكلمت عليه مصري

قال ايييييييييييييوه كذا يتكلم س2

ضحكت ههههههههههههههههه طلع مصري مو إنجليزي :seko:

شكرا شكرا وقوره بارك الله فيكق8

[الحنونه]

هذي الله يسعدكم ق2 وحده أعرفها
تقول
انها يوم كانت بالابتدائي كان عندنا درس بالقراءه قصة الام الكافره والبنت المسلمه
جا وقت الصلاة وكانت أمها تقول لها
فلانه قومي صلي فلانه قومي صلي
وكانت أمها ماتصلي ها الفتره معذوره
البنت ماتدري :smilie (116):
تقول تضايقت ليش أمي مزعجتني صلي صلي
وهي ماتصلي
فقمت متضايقه والتفت عليها وقلت
بنت مسلمه وأم كافره :smilie (45):
تقول يوم كبرت وعرفت ضحكت على نفسي ههههههههه:smilie (25):

[الحنونه]

موقف مضحك مبكي ومؤلم

هذا ابني الله يصلحه 4 سنوات تقريبا

إذا شافني أصلي ياسلام كأنه يروح لمنتزه ألعاب

حتى وانا بالصلاة إذا سمعت صوته أخاف

يوقف وراي وينتظرني حتى أسجد بعدين ينط بكل قوته على ظهري حتى ساعات اقول اه من قوة الالم

أو يدفني بيديه حتى يروح وجهي بالجدار الي قدامي

ومره سجدت وكان بعيد فوق السرير الي جنبي صار ينط من السرير على ظهري المسكيييييين

طبعا مو كل مره بس تجي له صولات وجولات

إذا سكرت باب الغرفه وكان بحالة الصولات يجلس يضربه ويزعجني بأنواع الاصوات

ولا مانع من مشاركة إخته المصون المعركه

أعاقبه طبعأ وأدعي له من قلبي بالصلاح والهدايه

ولي بصلاة خاشعة مقبوله

وإياكم

[الحنونه]

ههه الظاهر الحنونه بس
من لديها أطفال ظريفين حبوبين هعهعهع

[دنيااعذريني الجنة تناديني]

الله يسعدك الحنونة

ويخلي لك أولادك ويقر عينك بصلاحهم

ضحكت على موقف ولدك وأنتي تصلين

ههههههههههه

[فنار]

الله يحفظ لك السعنونين
ويرزقك برهم

[لا أعرف اليأس]

وأدام الله لنا أطفالنا
بسمةً (لقلوبنا) ..
:

[الحنونه]

اشكر لكم المرور ياعسولات

الله يحفظكم ويبارك فيكم